ვარსკვლავი
გამოთქმა:
varskvlavi
განმარტებულია ვარსკვლავი
სიტყვის თარგმნა
Universal
- 1. ცის სხეული, რომელიც საკუთარი შუქით ნათობს; შორი მანძილის გამო ვარსკვლავი ცის კამარაზე ჩანს, როგორც ყოველმხრივ სწორხაზოვნად სხივების გამომცემი მნათობი წერტილი (ჩვეულებრივ სიტყვა-ხმარებაში ვარსკვლავს ეძახიან აგრეთვე პლანეტასაც). ცისკრის ვარსკვლავი ლაჟვარდ ცაზედა კაშკაშით თრთოდა (აკაკი). მზე რომ ამოდის, ვარსკვლავები მაშინ არ ჩანან (ილია). ◊ კუდიანი ვარსკვლავი იხ. კომეტა.ამ წინაზე რომ კუდიანი ვარსკვლავი ამოვიდა, ხომ გახსოვთ?» (ილია). ◊ ვარსკვლავი მოსწყდა მეტეორმა გაიელვა. შორს ვარსკვლავი მოსწყდა სივრცეს, უფსკრულისკენ გაეშურა, ცეცხლად იქცა და წინწკლებად ცის თეთრ ყვავილთ დაესხურა (ა. აბაშ.). ◊ მოწყვეტილი ვარსკვლავი ასტრ. იხ. მეტეორი. ◊ ციდან (ცით) მოწყვეტილი ვარსკვლავი გადატ. არაჩვეულებრივად ლამაზი ვინმე (ჩვეულებრივ ქალი).მამავ, [ეთერი] ციდან მოწყვეტილი ვარკვლავია!» (შ. არაგვ.). ◊ ვარსკვლავებს ეპოტინება საუბ. რაიმე მიუწვდომლისაკენ მიისწრაფვის. ◊ ვარსკვლავე[ბ]ს ეთამაშება საუბ. იხმარება ვისიმე ან რისამე განსაკუთრებული მოწონების, შექების შემთხვევაში.ავყვეთ სერს და გაღმა ისეთ ორ გოგოს წავაწყდებით, ვარსკვლავს ეთამაშებიან» (ნ. ლორთქ.).ცხენი მოგიყვანე, კარგი ჯილაგია, ვარსკვლავებს ეთამაშება» (ს. შანშ.). ისეთი ვაჟკაცია... ჩემგან არჩეული სასიძო, რომ სულ ვარსკვლავებს ეთამაშებაო (ი. ეკალ.). 2. გადატ. ბედი, განგება.მე არა მიშავს-რა! იმისთანა ვარსკვლავზედა ვარ გაჩენილი... მე ბედშავი» (ილია).ვინ გაქცევია უდროოდ ვარსკვლავს და ბედისწერასო?!» (აკაკი). ◊ ბედის ვარსკვლავი იხ. ბედი. ◊ ბედნიერ ვარსკვლავზე დაბადებული იხ. ბედნიერი. 3. გადატ. იდეალი, მიზანი. ჩვენ უნდა ვსდიოთ ახლა სხვა ვარსკვლავს... ჩვენ უნდა მივსცეთ მომავალი ხალხს! (ილია). || იმედი, ნუგეში.მხოლოდ ის ( იასონი) არის ჩემი ცხოვრების ვარსკვლავი... უმისოდ ჩემი სიცოცხლე შეუძლებელია!» (ეკ. გაბ.). ვარსკვლავად გვინათს სახე ნათელი (გ. ორბ.). 4. ვარსკვლავის სახის მქონე ნივთი, საგანი; ვარსკვლავის მსგავსი გამოსახულება. ვარსკვლავი ხუთქიმიანი კრემლის ზეცაზე გაბრწყინდა! მშვიდობას ვიცავთ, მშვიდობას, ომი არ გვინდა, არ გვინდა! (ი. გრიშ.). მკერდზე ვარსკვლავი მიბრწყინავს, დიდი ლენინის ორდენი (ანა). [პოლკოვნიკს] სამი წითელი დროშის, ორი წითელი ვარსკვლავის, ორი სამამულო ომის ორდენი და მედლები ეკიდა (ა. ქუთათ.). საბჭოთა სოციალისტური რესპუბლიკების კავშირის სახელმწიფო დროშა შედგება წითელი ქსოვილისაგან, რომლის ზემო კუთხეში, ტართან, გამოსახულია ოქროს ნამგალი და ურო და მათ ზემოთ წითელი ხუთქიმიანი ვარსკვლავი, ოქროს არშია-შემოვლებული (სსრკ კონსტიტუცია).