ფარდა
გამოთქმა:
farda
განმარტებულია ფარდა
სიტყვის თარგმნა
Universal
- 1. ფანჯარაზე ან კარზე ჩამოსაფარებელი ქსოვილი. ფანჯრებს ჩამოფარებული აქვს ლამაზი ფარდები (ი. გოგებ.). დარაბები დახურულია, ფარდები _ ჩამოშვებული (ნ. ლორთქ.). || ფიგურ. ამ დროს ასწევს ღამის ფარდას ცის ასული მშვენიერი (ა. აბაშ.). აღმოსავლეთს სიბნელის ფარდა ნელ-ნელა ეხდებოდა (ს. მგალობ.). [ქარმა] გადაჰფარა, (გადააფარა) ღრუბლის ფარდა ცისა ლაჟვარდს მზეს ელვარეს! (კ. მაყ.). უცბად ამოვარდნილმა ქარმა... გადასწია კვამლის ფარდა (ი. აგლ. თარგმ.) 2. ქსოვილი ოთახის ნაწილის გადასაღობავად, გამოსაყოფად. ფარდას უკან ჩხაოდა უსუსური ბაღანა! (რ. ერისთ.). მღვდლის დარბაზი ფარდით ორად იყო გაყოფილი (შ. არაგვ.). 3. მაყურებელთა დარბაზისაგან სცენის დასაფარავად ჩამოშვებული ქსოვილი (ხშირად მოხატული); გვერდზე ან მაღლა იწევა მოქმედების დაწყებისას. ფარდის აწევამ დაიგვიანა, მაგრამ საზოგადოებას მოუთმენლობა არ ემჩნეოდა (ნ. ლორთქ.). ფარდა აიხდება და სცენა წარმოადგენს ტყესა (ზ. ანტონ.). || მოქმედების დასრულების აღმნიშვნელი რემარკა დრამატულ ნაწარმოებში. ◊ ფარდას უკან ეფარება გადატ. იმალება. იმ დროს, როდესაც ხმა გრგვინავდა ზარბაზანისა..., თქვენ უსინდისოდ ფარდას უკან ეფარებოდით (ი. ევდ.). ◊ ფარდას [ა]ხდის იხ. ახდის, ხდის. ◊ ფარდას ჩამოაფარებს სხვისთვის არდასანახს გახდის, არ გამოაჩენს, _ დაფარავს, დამალავს. [იუდამ] უღალატა სინდისის ნაკარნახევს. ნამუსს ფარდა ჩამოაფარა (ს. მგალობ.). ◊ (რისამე) ფარდას (ფარდებს) უკან ფარულად, მალულად. გარეთ ერთს ლაპარაკობს და შინ-კი, ფარდებს უკან, სულ სხვას ფიქრობს (ილია). 4. კუთხ. (გ.-კახ.) შუასაძგიდი, დიაფრაგმა. 5. ძვ.თხელი კანი გინა აფსკა ტყავისა» (დ. ჩუბინ.). 6. ძვ.კანის საცერი» (საბა).